400年坤平😎
屈班間 400年前 坤平 獨立模 送判力
屈班間位於素攀武里府西巴占縣，係一間建於大城王朝中期嘅古老寺廟，距今超過四百年歷史。呢間廟喺華人圈一般叫做屈曼港，至於點解會有兩個名，其實係音譯嘅差異——「班間」同「曼港」都係同一個泰文讀音嘅廣東話拼法，叫叫下兩邊都通咗。
講返正題。屈班間最出名嘅，就係佢嘅坤平佛牌。坊間一直有傳，當年納黎萱大帝率軍路經此地準備抗擊緬甸大軍，為咗畀將士有聖物傍身、保佑沙場上平安，於是下令緊急製作咗一批佛牌分發畀士兵。打完仗之後，按當時習俗，聖物唔會帶返屋企，而係收集返嚟放喺寺廟，起咗一座佛塔嚟供奉，數量多達八萬四千尊。
呢座佛塔一直默默守護住呢批聖物，直到佛曆2447年左右，佛塔年久失修倒塌咗，呢批佛牌先至重見天日，正式「出塔」。
出塔嘅佛牌數量極之龐大，數以萬計，而且模款非常多，成個屈班間出塔嘅坤平系列有多達25個不同模款。但所有模款有個共通點，就係用料全部都係陶土，冇任何金屬版本。呢批陶土並唔係普通泥土，而係混合咗多種草藥同花粉一齊燒製，所以牌身會呈現出一種好獨特嘅「粗中帶潤」質感。
由於係打仗時期趕製出嚟，所以成批屈班間坤平嘅做工都比較粗糙，同大城府屈甩更坤平比起嚟，精細度爭一大截。但就係因為呢種粗獷古樸嘅味道，反而成為咗佢最大嘅特色，一睇就認得出係屈班間出品。
點解送判力特別珍貴？
屈班間出塔嘅坤平模款極多，當中大部分係所謂嘅「雙子模」，即係兩尊坤平法相並排連體嘅設計。泰國方面嘅記錄顯示，呢個塔出嘅坤平分為單尊模27款同雙子模14款。雙子模嘅製作目的，係為咗紀念納黎萱大帝同佢細佬艾卡托沙洛兩位國王，所以數量上佔咗大多數。
問題嚟喇——當年出塔嘅時候，村民同廟童根本唔知呢批牌嘅價值，仲將啲佛牌鋪喺大樹底下，細路仔拎嚟玩「水飄」鬥掟得遠，有唔少就咁沉咗落河。
加上年代久遠，雙子模中間連接位本來就脆弱，好容易喺出塔或保存過程中折斷。後來有人發現，將折斷嘅雙子模當兩尊獨立牌賣，可以賺多啲錢，於是大量雙子模就咁被「一分為二」流出市面。
正因為咁，送判力模 就顯得格外珍貴。事關佢本身就係獨立模，由始至終都係單尊法相，根本唔存在「雙子折斷」嘅問題。換句話講，市面上見到嘅送判力模唔會出現「雙子模拆出嚟」嘅情況。呢個先天優勢令佢喺一眾屈班間坤平模款入面脫穎而出，成為收藏家爭住要嘅一線熱門模。
功效方面，屈班間坤平主打嘅係超級人緣魅力、大眾喜愛、刀槍不入同化險為夷。早年素攀武里府呢邊環境比較複雜，好多「真正要落場」嘅人會戴住佢，經歷過唔少刀光劍影都平安無事，久而久之就積累咗大量實戰口碑。
到而家已經成為泰國頂級古牌之一，品相好嘅送判力市價閒閒地都上到十幾萬至幾十萬泰銖，仲要一牌難求。
FB專頁直播時間
逢星期二開播晚上8點BENNY在直播
FB專頁 : https://www.facebook.com/Treasures.Of.Siam
所有聖物已在店內敬請預約
地址:大角咀埃華街28號9樓
WhatsApp: 98640684
https://www.treasuresofsiam.com/