澤度金fans系列😎
屈素他那喃 澤度金 瑪哈顧 2549年 純銀版本 全期299尊
屈素他喃位於吞武里府三雷區，係一間歷史悠久嘅寺廟。2549年，正值澤度金熱潮最顛峰嘅時期，屈素他喃推出咗一批名為「瑪哈顧」嘅澤度金佛牌。「瑪哈顧」嘅意思係「大功德」，成個項目由屈素他喃時任住持龍婆丹賴主持，目的係為咗籌款擴建洗腎中心同埋購置醫療器材，幫助貧困嘅腎病患者。
呢期牌一出，場面可以話係極之轟動。當年善信為咗供請，真係要「攀牆入廟」先至搶到，呢單嘢喺泰國佛牌界出晒名，所以呢期牌又有個花名叫「爆廟」，可想而知當時嘅搶手程度有幾誇張。
法相同用料方面，呢期「瑪哈顧」係粉牌，法相非常獨特，正面係澤度金四臂法相，手持法器，象徵權力同保護；背面有蛇王（七頭蛇）同拉胡天神嘅法相，底部仲有洛坤府著名嘅佛塔印記，成個設計充滿南部法術嘅特色。用料方面更加係陣容鼎盛，混合咗極大量嘅殊勝材料，當中包括：僧王御賜嘅經粉（唞之打）、拍永碌寺（屈白欖）嘅聖粉、屈術他（大鞦韆寺廟）嘅聖粉、屈甩更（阿贊多寺廟）嘅聖粉、屈間班嬌（龍婆伴寺廟）嘅聖粉、屈滄海（阿贊添寺廟）嘅2497年龍普托聖粉、屈那打樂（屈瑪哈塔）嘅聖粉，仲有108種草藥花粉、多種古老聖木粉末、全泰國76府嘅聖土，以及來自泰國三大海洋同五大河流嘅聖水等等。
加持法會方面，呢期牌嘅加持過程極之嚴謹，前後總共進行咗四大場法會。第一場係喺2549年10月21日至30日，喺屈素他喃嘅大法會場進行，由南部著名嘅白衣師傅「哥彭」主持婆羅門儀式，仲請嚟多位頂級高僧進行連續十日十夜嘅誦經加持。最後一場終極法會更加係重中之重，由時任僧王（崇笛山卡啦）親自主持，率領全國百幾位高僧一齊加持，陣容之鼎盛係當年罕見。整個法會嘅開光儀式，由白欖寺（屈白欖）嘅崇笛大師親自擇日，確保萬無一失。
功效方面，澤度金本身就係南部最強大嘅護法神，主打超級招財、權力威望、擋險避災、生意興隆。而呢期「瑪哈顧」係為咗起醫院、救人而做嘅功德牌，善款全部用嚟幫助腎病患者，所以佩戴嘅人唔單止可以獲得澤度金嘅庇佑，仲可以分享到一份救人嘅功德，可謂一舉兩得。正因為咁，呢期牌喺市場上嘅口碑非常之好，好多用家佩戴之後都有生意好轉、財運提升嘅回饋。
由於當年嘅搶手程度，加上係為咗醫療慈善而做嘅功德牌，而家市場上品相完整嘅真品已經買少見少，絕對係澤度金熱潮時期其中一批最值得收藏嘅經典之作。
FB專頁直播時間
逢星期二開播晚上8點BENNY在直播
FB專頁 : https://www.facebook.com/Treasures.Of.Siam
所有聖物已在店內敬請預約
地址:大角咀埃華街28號9樓
WhatsApp: 98640684
https://www.treasuresofsiam.com/